Syarikat PEGARI Iban Production diempu lima iku raban anak Iban lalu semua kami endang ada di menua ke jauh ari mengeri lalu besai di rumah panjai. Nambahka nya, kediatu kami bisi siku staf pemantu lalu bisi tiga iku raban nembiak praktikal ari IPT.
RABAN PENENGKEBANG
Johnny Anak Chuat - Tuai Besai
Datai ari Ng. Menyebat, Ulu Lemanak, Engkilili. Enda ibuh sebut enti pengelandik nyempulut burung, manjuk jelu semua temu magang. Tau diambi bebiau, taja enda ga ngelandik lemambang. Silik, tau peda info ba facebook.
Telefon binching : 019 875 8576 Surat Elektronik : johnny@pegari.com.my =======================================================
Sedau Anak Panting - Tuai Akaun
Datai ari TR. Panting, Ulu Lasi, Julau. Ari mit teleba bemain sebelah temuda begiga ke buah lemba enggau buah senggang. Ka amat ngitung lubang sarang indu engkerawai ke digitang ba pintu maya agi mit suba, nya alai diatu iya ngitung, ngibun, meresa lalu nyaga akaun kami. Iya mega orang ti betangungjawap nentuka berapa patut kami mayar CUKAI dikena mantu PERINTAH mayar gaji orang ke gawa perintah sereta bejalaika pengawa.
Telefon binching : 013 894 6000 Surat Elektronik : sedau@pegari.com.my =======================================================
Juti Anak Galau - Tuai Promosyen
Datai ari Kabah, Kanowit. Pama beduruk bumai baka nebas, nebang, ngebak tauka nugal di rumah panjai…, enda tachuh orang pama iya nadai. Runggu burung ensing. Ketegal pengerichah iya, nya alai iya diambi nyadi Tuai Promosyen kami.
Telefon binching : Suah betukar nombor, enda ulih giga Surat Elektronik : Enda beguna emel, ka agi ngepos surat nengah pos opis =======================================================
Nalong Anak Buda - Editor/Pengarang
Datai ari Ng. Entawau, Ulu Balleh, Kapit. Enda kira agi, endang teleba niki bukit nurun tebiang. Teleba begagaka langkau arau sebelah kampung jerung. Empa kerengit, ketup semada, empa lemetak enda kira agi.
Telefon binching : 019 826 9684 Surat Elektronik : nalong@pegari.com.my =======================================================
Uthan Anak Chuat - Penyanding Penemu/Pengarang
Datai ari Ng. Menyebat, Ulu Lemanak, Engkilili. Menyadi Tuai Besai lalu endang ada di menua ulu.
Telefon binching : 013 576 3698 Surat Elektronik : uthant@pegari.com.my =======================================================STAF PEMANTU
Dora Anak Beti - Sekretari Lalu Artis Grafik
Datai ari Bila Antu, Menyebat, Ulu Lemanak, Engkilili.
Telefon opis : 086 312611 Surat Elektronik : dora@pegari.com.my =======================================================STAF PEMANTU
Jeffery Sandom Anak Johnical Ambau
Datai ari Betong.
Palan belajar : Universiti Teknologi Mara (Shah Alam) Kus : Bachelor Degree in Graphic Design & Multimedia (Minor in Printing) Telefon opis : 086 312611
terima kasih……lalu meri tabi basa nuju bala raban pegari laban udah bebendar ngangkat ka jaku,adat enggau main asal kitai bansa iban,kelimpah ari nya mega kami arap bendar ka pegari enda leju ngangkat ka bansa ktai iban.aku arap dalam bub pegari patut diseruri maioh agi main asal ktai iban baka adat gawai,cara ngintu piring nitih macam gawai lalu maioh agi adat bukai…kami anak iban tetap nyukung bala pegari…..idup pegari.
Rega sigi enda ku ngira asal meh aku nyukung majalah bansa aku empu ari bebelika majalah bansa bukai
Arapka mujur baka kompeni Karangkraf ti udah jelai rita.Mar enda ngawa enti setipak enggau isi.
Arapka mujur baka kompeni ti udah jelai rita baka Karangkraf.Rega mar enda ngawa ti setipak enggau isi karang.