Sepil Iban Baru

Sistem Jaku Iban KLIK DITU

============================

Semua sepil jaku Iban ti dikena dalam semua karang kami endang digaga enggau naka ulih bepelasarka sepil jaku Iban ti baru iya nya sepil jaku Iban ti dikena ba sekula diatu enggau ngambi berat senentang prinsip linguistik (linguistic principles), ngembuan pengamat / chuan kediri (authenticity), ngembuan penyedang (simplicity), ngembuan pengelentur (flexibility) sereta ngembuan pemudah dikena ti tinggi (practicality).

INFO BARU

Semua sepil leka jaku injau ari English ti mai urup “tion” ba ujung sepil diubah ngagai “syen” ba sepil Iban. Ambika chunto, television nyadi televisyen, station nyadi stesyen, communication nyadi komunikasyen. Tang enti ba tengah leka jaku, sepil enda ditukar, ambika chunto; dictionary nyadi diksionari.

Urup ‘o’ dikena ba patah sebut tebuka baikka nya ba mua tauka belakang patah sebut. Ambika banding, orang, opis, chunto, kukgo, radio.

Semua munyi ‘o’ ba patah sebut betutup diberi sebaka, diubah ngagai munyi ‘u’ ketegal ti bepelasarka pemudah dikena tinggi (practicality). Nambahka nya, ‘o’ enggau ‘u’ dalam jaku Iban endang free morphophonemic alternation’, ambika banding, mua, raung, jauh, rasung, nibung. Taja baka nya, ba jaku injau, urup ‘o’ tetap dikena enda milih ari mua, tengah tauka belakang patah sebut leka jaku.

Urup vokal berimbai tiga. (aia, aio, iau, uai). Sepil ti ngena, ambika banding, semaya, maya, mayas, mayang. Biau, diau, engkiau, mayuh, buai, tuai, beguai. Sepil ti salah, ambika banding, semaia, maias, maia, maioh. Sepil tu bepelasarka prinsip, ngembuan pemudah dikena ti tinggi (practicality).

Penyilap Sepil Iban

Urup konsonan. Ba tu sepil jaku Iban bepelasarka prinsip ti dikumbai ngembuan pengelentur (flexibility). Siti ari konsonan nya iya nya lambang sekat glotal ( ’ ). Lambang sekat glotal nya enda dikena ba sepil jaku Iban laban tanda nya ulih jangka dalam GENTERAN jaku. (transparent symbol). Taja pia, afostrofi dikena lebuh ngajar jalai nyebut leka jaku Iban enggau ba diksionari. Ambika banding, sepil ke betul enggau salah iya nya;

BETUL

SALAH

BETUL

SALAH

aya ayak jaku jako, jakuk
aki akik, akek menyadi menyadik
badu bado, baduk meda medak
enda endak pala palak
ibu ibuk palu palo, paluk
ni inek renga rengak
enggau mayuh agi ke bukai

Urup Roman asal enda chukup dikena nanda semua konsonan dalam jaku Iban. Nya alai sekeda urup konsonan mesti diperimbaika dikena ngaga munyi konsonan Iban, ambika banding iya nya konsonan turu, ch, ng enggau ny.

Urup konsonan ti ditagaka dikena nyepil jaku injau iya nya f, c, q, v, x, z.

Urup semivokal tauka konsonan lembut w enggau y dikena nyadi konsonan rama dalam jaku Iban.

ISU LEKA JAKU KA, KE

Leka jaku ‘ka’ ba tiap genteran jaku, enda ditulis kediri kelimpah ari ti mai reti ‘deka’. Leka jaku penambah ‘ka’ dikena betampung enggau jaku asal, ambika banding, ambika, dikemesaika, mutarka, melitka, enggaika, baikka, dikesayauka. Taja pia, leka jaku ‘ka’ ti mai reti ke sebaka enggau di atas nya TAU MEGA ditulis kediri (enda betampung), nitihka munyi ti lebih engkeman, tang ditukar nyadi ‘ke’. Ambika banding, ambi ke, dikemesai ke, mutar ke, melit ke sirat, enggai ke nuan, baik ke, dikesayau ke. Leka jaku ‘ke’ ti sebaka reti enggau ‘ti’ MESTI ditulis kediri (Enda dipejantilka). Pia mega senentang leka jaku ‘ke’ ti nunjukka tempat, utai enggau mensia, enda dipejantilka. Ambika banding, ke Sibu, ke ili, ke baruh, ke kanan, ke atas, diberi ke nuan, ke iya, ke aku, sayau ke iya                                 

JAKU PENEMPAT

Jaku penempat baka ba, aba, di, dalam, ari, ke, ngagai, ngusung, dampih, damping, semak, ngimbai, apak, ngah, pam, semak dituliskediri. (enda bejantil). Ambika banding, di rumah, di tanah, aba pasar, dampih jalai etb.

JAKU PENAMBAH

Jaku penambah ‘di’ ti ukai nunjukka tempat ditulis betampung. Ambika banding, disipak, ditelan, diserungkai, dikebuk, dibunuh, diberap, dipijai, ditinggang etb.

JAKU PUNTANG ENGGAU JAKU BETANDU

Jaku puntang enggau jaku betandu bela tau dikena lalu patut dikira betul dalam tusun jaku Iban, enda milih ba genteran dialog tauka penerang. Jaku tu mayuh agi dikena dalam dialog lalu ditulis nitihka sebut. Ambika banding,

JAKU BEKALING SEBUT

Jaku bekaling sebut ditulis betakah lalu nadai mega ngena tanda sekang (-). Ambika banding, sakit lengit, chelap embap, butang betumbang, ikan gemian, singkung belung, periuk genuk, petang keleti, chelum gelintum, mansau chechinang, burak bebetau, kelia menya, kekelut kundang, penat katat 

TANDA SEKANG

Semina dikena ba jaku betandu, ambika banding, regap-regap, jengap-jengap, kasak-kasak, mesi-mesi, kadang-kadang, besai-besai, bajik-bajik. Jaku tu mega tau ditulis nitihka jaku puntang enggau jaku betandu, ambika banding, reregap, jejengap, kekasak, memesi, kekadang, bebesai, bebajik.

JAKU INJAU

Jaku injau iya nya leka jaku bansa bukai ti diterima dikena nerangka reti mayuh macham pekara baru. Pekara tu mega dikena ba semua pemansang tauka kerembai jaku bansa bukai di dunya lalu iya tau mega dikumbai singkang dinamik ba pengerembai jaku Iban.
Jaku ti diinjau ari jaku Bahasa Melayu nya digaga nitihka Sistem Ejaan Rumi Bahasa Malaysiati ditetapka Dewan Bahasa Dan Pustaka. Ambika banding, asrama, borang, nilai, seni, pegawai enggau pejabat.

 PEGARI IBAN PRODUCTION mega ngasaika jaku ti diinjau ari jaku English enggau jaku Europe tau disepil enggau mayuh chara (ukai semina siti sepil) nitihka sebut dilah Iban enti iya udah CHUKUP ENGKEMAN LALU DITEMU RETI MAJORITI PEMACHA. Taja baka nya, sekeda sepil nya mega begunaka pengelentur (flexibility) ti Ulih jangka dalam GENTERAN jaku. (transparent symbol). Ambika banding;

SEPIL ENGLISH – SEPIL IBAN PEGARI IBAN PRODUCTION

SEPIL ENGLISH

SEPIL IBAN

SEPIL ENGLISH

SEPIL IBAN

aerial aerial, erial, arial  express ekspress, seperis, 
automatic automatik, otomatik,  engine injin
aeroplane aeroplan, eroplan,  engineer enjinia, injinia
barbecue barbekiu, babikiu free free, fri, pri
bacteria bakteria free man periman
boss boss, bos grease geris, gris
boarding buding glucose glukos
bottle butul go astern gustan
book bup go ahead guhit, gurit
beer bia  motor car motorkar, entuka, kerita
bicycle basikal, ensikal motor mutu, motor
cent sen, sin pencil pinsil, pensil
criteria kriteria pill pil
class kelas, klas programme progrem, program
carbon karbon propeller propila, pila
clutch klas, kelas pub pub, pab
current karan round raun
dictionary diksionari speed sepit
dialect dialek spelling sepil
dialog dialog, dailog spell sepil, spil
dynamo dinamo speaking spiking
electric elektrik, letrik,  standard setindit, stindit, standard
enggau mayuh agi ke bukai

4 responses to “Sepil Iban Baru

  1. Marcos ak Jalak

    SITI UTAI KE BARU BA AKU SEPENGUDAH AKU MACHA TU..TERIMA KASIH NGAGAI PENENGKEBANG ENGGAU PENYANDING PENEMU SEPIL JAKU IBAN TU.

  2. Bup tu ulih dibeli ba Tun Jugah Foundation enggau Pengari Production lalu bisi mega dijual ba kedai bup di bandar besai di Sarawak

  3. dini endur aku tau bulih bup baka ukir ulu duku ilang/nyabur engau ukir kitai iban..serta bup adat pengawa/niri ke gawai besai..

Tinggalka komen tauka sadang nuan ditu

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s