Bujang Timpang Berang

Dalam taun 1834, Rekaya Dana sekali agi nguluka Iban Saribas enggau Iban Skrang ngalahka Sambas ke alai iya bulih meriam tauka bedil ke digelar Bujang Timpang Berang ke dikena Libau Rentap nanka serang bala Rajah ari taun 1854 ngagai 1861. Meriam (bedil) Bujang Timpang Berang ke bisi chap 1515 tu agi meruan di District Office Betong (Fort Lily) datai ke sehari tu.

Bujang Timpang Berang di District Office, Betong

 

(Ngeransi meda Nanang seduai Luyoh menyadi ninggalka iya enda enggau aum, Libau Rentap lalu ringat. Iya ngerampas meriam (bedil) sida Nanang ke benama Bujang Timpang Berang. (Sarawak Gazette, May 02, 1921, rambal 77) Said the Tuan Muda, “I then took a farewell view of the remains of Rentap’s house… We spiked an iron gun with steel, which had belong to Nanang and was marked anchor dated 1515 with some letters on it not legible they said his father had captured this gun from Dutch at Sambas many years ago while on marauding excursion.”
(Sarawak Gazette, May 01, 1926, rambal 121) Pengudah alah Rentap kena 28.10.1861, Bujang Timpang Berang lalu tinggal di Bukit Sadok. Kena 26.3.1926 dia bala mayuh ti diketuaika Pengulu Unji ari Kerapa, Ulu Spak, Betong lalu ngambi Bujang Timpang Berang ari Bukit Sadok.
Reti nya, Bujang Timpang Berang mengkang tinggal di Bukit Sadok pengelama 65 taun. Diatu Bujang Timpang Berang tau dipeda ba Opis District di Betong.)

Rekaya Dana kala nguluka Iban Skrang, Iban Lemanak, Iban Kumpang, Iban Belambang enggau Iban Seremat ngalahka Iban Undup enggau Iban Dau begulai enggau Linggir Mali Lebu ari Paku seduai Unal Bulan ari Ulu Layar laban Iban Undup enggau Iban Dau tu suah ngayau tunga ke Batang Lupar. Ketegal serang Rekaya Dana tu kelia, mayuh Iban Undup rari ke Selimbau di Kalimantan Barat, Indonesia lalu sekeda nya nyengulai Iban Balau di Ulu Lingga.

Rekaya Dana suah ngayau Balau enggau Undup dikena bebalaska pemati menyadi iya Angkum ti dibunuh Iban Undup. Lebuh ngayau ngelaban Balau enggau Undup tu mih nembiak iya ke benama Chulo bulih ensumbar Tarang mandang langit, Tarang mandang dunya. Tarang mandang Banting, Tarang mandang Lingga. Tuai Iban Balau lebuh nya Ijau Lang. Ijau Lang pan tau ga serang lalu suah bendar ngayau ngalahka Saribas. Iya parai semak Nanga Saribas lebuh belanggar enggau Unal Bulan di Pelassan.

Bup Iban Sarawak Pegai Rajah Brooke

7 responses to “Bujang Timpang Berang

  1. Ukai takut tang ndai tuai ke deka ngerung.bjako ang ddak mdah bansa diri tkut.engka d purih tkut…..
    BC MAYA UTAMA KITAI NGELABAN.. NGANTI PETARA NYADA……

  2. where can I get a good high-res image of theo ld Bujang?

  3. Anang selalu nyalah ke bansa diri, Uji nuan berati ke bansa melayu ke nyadi raja , sida nya pan keturunan lanun suba

  4. Kitai Iban diatu jauh amai berubah,entik banding enggau iban kelia. Iban diatu ka di kembelik bangsa bukai. Tak barang ke orang aja,nya kbuah kitai iban jauh amai tengal bangsa bukai. Ketai Iban mayuh pandai tang nadai mansang ke bangsa diri,bangsa bukai dudi sida ia merik pemansang ngagai orang dulu bangsa diri empu.

  5. ukai ketegal tulah tang laban kitai iban mayuh peturun paloi. Sampai jemah ila meh kitai iban lembut sereta alah laban bansa bukai.

  6. KERING AMAT KITAI IBAN KELIA TANG DIATU NAMA KITAI NYAU LEMI AMAT SERETA ENDA BEKUASA BAKA DULU KELIA ENGKA LABAN KITAI IBAN TULAH LABAN SELALU MUNUH ORANG ENGGAU NGELABAN PERINTAH MAYA NYA

    • Ukai tulah ketegal ngayau org kelia tang ketegal semua pengaruh mbih di buai udah ka nerima agama baru

Tinggalka komen tauka sadang nuan ditu

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s