Bup Iban Sarawak Pegai Rajah Brooke

RM50.00 siti enti dibeli online, nyengkaum ungkus ngepos. Rega di opis RM40.00

SINOPSIS

Dalam bup tu kami duai deka mantaika sekeda ari jerita ngenang tuai-tuai kitai Iban ke bisi kala ngujika pemerani diri nirika kayau ngelaban Rajah Brooke kelia kenyau ari taun 1841 nyentuk ngagai taun 1946.
Sekeda ari tuai-tuai kitai Iban ke deka dikenang kami duai ba jerita tu iya nya baka sida Linggir (Mali Lebu), Orang Kaya Pemancha Dana (Bayang), Libau (Rentap), Pelima Mujah (Buah Raya), Aji seduai Nanang, Ranggau (Enjop) menyadi Balang (Balai Nyabong), Ngumbang (Berauh Langit), Lintong (Mua Hari), Kedu (Lang Ngindang), Bantin (Ijau Lelayang), Asun (Bah Tunggal) enggau mayuh agi tuai-tuai bukai ti deka dipansa enggau ngelansa baka sida Kana (Nitar Tanah) ari Engkari enggau siku tuai bansa Tanjong ari Kanowit ke benama Sawing.

TIBAK JERITA

Pengeransing ati bansa kitai Iban bekayau tau diperatika ari ulah siku tuai Iban ari Skrang ke benama Matahari ke minta pemendar ngayau ari James Brooke dalam bulan Satu taun 1842 ke dituliska James Brooke munyi tu, “Pemintar enggau pemandai iya nyata bendar. Iya ngelabuhka jaku ngena chara nanya ngagai aku iya nya enti sema sida Skrang tauka sida Saribas mansang ngayau ngagai menua ke kena pegai aku, nama utai ti deka dikereja aku. Ku aku nyaut, ‘aku deka nyerang sereta nganchurka menua sida.’ Ari nya iya nukik aku baru. ‘Tang laban aku tu bakih nuan, nuan tentu meri aku pemendar ngulihka pala munsuh naka ke sekali dua.’ ‘Nadai jaku nya. Nuan enda tau sekali-kali ngayau tauka ngiga pala munsuh. Enti nuan enggau bala nuan ngelanggar tagang aku tu, sigi pala munsuh dipumpung kita deka dibalas aku ngena seratus igi pala kita Skrang.’ Iya tatuk bendar nyalak aku, minta pemendar ngulihka pala munsuh sigi dua enda nyenyalah baka anak mit ti minta buah. Tu nunjukka sida Skrang enggau sida Saribas semampai ransing ati deka bekayau laban antu pala nya pemadu berega ba penemu enggau jalai pengidup sida.”

Rajah Charles Brooke bisi ngenang Kayau Kayan 1863 munyi tu, “Orang ti bejaku nangkanka aku iya nya Balang ari Katibas. Iya ngena baju burung ke bechura baka emperaja (anak raja). Mata iya chalung, langkar tubuh iya numbas pemesai tang gamal iya jai laban mulut enggau nyawa iya mirah magang dibalut darah pinang. Bansa Kayan udah nunu rumah panjai iya lalu ngerampas sereta nabanka reta tengkira sida. Iya landik bendar bejaku lalu aku arap bendar ke utai ti udah dipadahka aku tadi ulih tangkap tauka peretika sida magang.”
Raja Darat – Libau tu tau serang. Iya tebilang agi disebut Rentap beduduk ari ensumbar iya “Sumpit lasit tibung temaga. Sumpit mit nyimpakka jerit Bintang Tiga. Labuh ke baruh munuh nyumbuh jelu nyala. Makai nuan Libau, runtuh tanah rentap menua!.” Iya mega digelar orang Libau Panggau Dara, Rentap Tanah Kudi Menua.

Nyau ka semua kedai ke bisi nyual majalah di serata Sarawak tu bisi nyual majalah PEGARI. Taja pia, kedai ke bisi nyual BUP kami nya baka ti dirintaika ba baruh tu;

  1. New Winsome Bookstore, Serian
  2. Hong Kong Studio & Colour Lab, Sri Aman
  3. Hong Kong Studio & Colour Lab, Betong
  4. Kia Trading, Saratok
  5. Youth Bookstore, Sibu
  6. Academy Books Center, Sibu
  7. Syarikat Sg. Teras, Sibu Jaya, Sibu
  8. Kennedy Paing, kedai ba Terminal Bas, Bintulu
  9. Ung Hua Bookstore, Bintulu
  10. Opis, Pegari Iban Production
  11. Miri Airport (Gound Floor & Balai Berlepas)
  12. San Ho, Sarikei
  13. Lee Ted Trading, Emart Matang, Kuching

6 responses to “Bup Iban Sarawak Pegai Rajah Brooke

  1. Gideon Sumbang

    Sapa nemu tusut peturun lintong(Mua ari)?

  2. Adakt lma kitai endk ulih ditinggal

  3. makai blacan

  4. tai ke tlis nuan nya endang sgi bt0l…myuh ktai Iban diatu enda ngna adat lama g lbn sda myuh g ngna pgrap kristian…nya alai nmbiak k rebak bru diatu myuh enda nmu psal miring…??

  5. ngarap k bansa ktai dayak ulh mansang serta maju baka urang…….ang sekali -kali ninggal k adat lama… awak k rebak nembiak baru ulih nerus k adat bansa kitai………….

    • ti nyemak adat lama iban pupus tau ke ndai temu rita,, ukai urang lain ag ti ukai bala bangsa dayak, , bala kita semua nie kita k tuai , nie kita k bujang ngau nie kita k dara,,.. anang ningal ke adat lama iban,…. ingat penatai diri empu ari nie asal usul urg dulu kelia,…. ngau penatai bala keling ,kumang, lajak nagu bungai nuing ya k udh nulung ktai sereta lalu ngidup k adat bangsa iban.. aram mh kitai sama2 ngakat ngau ngintu adat kitai setiap tahun maya 31 ari bulan 5 b’gawai ngintu adat… sa,2,3,4,5,6,7…. nie kita keling kita kumang kita bungai nuing kita lajak ya b’kuasa sereta tampak rita d diuna,aku tu icit keling nyadi tuai miring manggil serta ngangau alu ngampun leka piring ti ke udah sedia kena nyambut pnatai bala kita semua. aku b’sampi ngena nama kita b’empat, kena ngemuan sidak ia s’bilik lalu nyaga meri pnyenang,pengaya, sereta mujur alam semua pngawak.. penusah,pemedis ngau pmerinsa bala ucu icit nn , kami nyerah ngagai kta ya ke b’kuasa. petara langit,petara tanah, petara antu meri kami nadai apa ndai nama, gayu guru gerai nyamai senang lantang muan menua .ooh…oooh…oooh..ooooh..
      ti nyemak tai ke tulis ku nyk bc salah anang ngai mdh pnyalah ku.. mar ku tok baru blajar kak nerus k adat bngsa kitai..

Tinggalka komen tauka sadang nuan ditu

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s